Stay Signed In
Do you want to access your site more quickly on this computer? Check this box, and your username and password will be remembered for two weeks. Click logout to turn this off.
Stay Safe
Do not check this box if you are using a public computer. You don't want anyone seeing your personal info or messing with your site.
جيت على بالي اول مره احسبلك حساب
ماحبيتك ولكن مدري وش اللي فيك ذكرني
عمرنا ما اجتمعنا ولا حتى صرنا قراب
سبحان اللي على خبثك فطني
كنت تتكلم وتكذب وسويت روايه وكتاب
وانا ولا كأني اسمع بصراحه ماكنت تهمني
دريت انك ماتحبني ودريت كذاب
وادري العقل عن قربك منعني
وادري بعد قلبك مرسى لمليون احباب
وعندي خبر انك خداع وقلبي علمني
حسبتني على كيفك تناديني افتحلك الباب
تحسبني سهله ماسمعت كلام الناس عني
انا المدح عنواني ولا احد فيني عاب
لاصاحب خذا عقلي ولا مزيون فتني
لاجرحن سكن قلبي ولاسهم بالجوف صاب
عقلي يمشيني ودمعي عمره ماذرفني
بتقول بنت؟نعم بنت وظني بالبنات ماخاب
نادر تلقى اللي تركض للحب وتسهر تغني
ياما بنات ارفعوا رووس ورقاب
وهذا انا بنت وماشوف شي يعيبني
يعيبني بالنسبه لك شي جابلك العذاب
ان اللي من اشكالك لابغاني مايقدر يحصلني
روحي وشنو يعني لو تروحين؟
انا ماهزني فراق حبيبي يوم عصاني
انساج لو تكونين من تكونين
وانسى اللي جرحني لو اهو من رباني
هذا اهو طبعي وماظن تخفين
ما انزل راسي الا للي خلقني وسواني
دام اخر الدنيا تراب واحنا من طين
محد مكانه ارفع من مكاني
يعني ازعلي وتكلمي وسوي اللي ابتسوين
مهما عاتبتج يظل الجاني اهو الجاني
دنيا وصدمتني من قبلج سنين
واللي ضحكني جه يوم و بكاني
يعني لا تحسبين ماتوقعت منج الشين
من تجرح اخوانها لاشك تجرح احد ثاني
وشلون توفين لي وانتي لأهلج ماتوفين
وكلن من كلامج صار يعاني
ما اوطى معاج لو انتي بتوطين
ولا اخرب اخلاقي على ضحكة ثواني
رافقتج وضحكت يومج تضحكين
لي هنا وخلاص لايطب لسانج على لساني
مابي اوضح انتي فاهمتني وتعرفين
افعالج مانخلقت ابد على شاني
تخطين وماتعترفين انج تخطين
والنصيحه صارت ماتأثر بهالزماني
وبعد كل هذا صرتي من وراي تتكلمين
وحطيتي فيني كلام ماينقال ويعلن نقصاني
يابنت الحلال اتكلمي بعيد لو انتي تتكلمين
ماني ناقصه كلام وجاني اللي كفاني
لكن افهمي ياللي جرحتي ملايين
ماهز شعره فيني كلامج اللي جاني
يعني تكلمتي او ماكنتي تتكلمين
انا ربي عن كلام الناس خلاص عماني
امشي مع الناس على العسر واللين
لكن ما اشتري الا اللي شراني
عشرة سنين انساها بيومين
ومابي شخص تجاهلني ومايباني
هذا هو طبعي وما اظن تجهلين
ما ارتاح الا لاجبت راس اللي تحداني
بكره يجيج يوم تفهمين وتكبرين
وتفهمين وشقلت وتحللين هالمعاني
لكن اسمعي هالكلمه وحطيها بين قوسين
ربي يحاسب كل من ضايقني وأذاني
ماندمت على اللي معاك فات 00 لان قربك فيه شي نفعني
عرفت الشعر وفهمني بالابيات 00 طعنتاك على القصيد علمتني
وصرت شاعره وصار لي كتابات 00 و الكل بكبريائي عرفني
تحسب افعالك معاي تعني اهانات 00 ظنيت تمحي كرامتي وتنزلني
مادريت ان كل هالحركات 00 كانت تطيحك من عيني وترفعني
غيور حاسد ورخيص الذات 00 وش اللي على قربك يصبرني
تقول حرام الاغاني والفضائيات 00 تنافق وانت صاحي ونايم تغني
ولا نادى الاذان قلت صلاة صلاة 00 تظن تخدع ربك مثل ماتخدعني
الاخلاق تعطيني فيها روايات 00 على الصح والغلط تخبرني
وانت مجرد واحد حافظ كلمات 00 يحسب بكذباته راح يسحرني
ارسم طريقي بروحي واخطيه
واترك كل شي ما منه منفعه
واللي يحبني على روحي ابديه
واللي تناسى ما انتظر مرجعه
ودرب فيه طيحات ما اوطيه
اشوف لي سير يرفعني واتبعه
طبيعة الانسان والله مخليه
يحب ذاته و كرامته ترفعه
كم واحد و واحد ربي باليه
بلا عزة نفس وكانه امعه
يركض ورا واحد علشان يعليه
بشر تتفنن بتغيير الاقنعه
جدام عينه حبيبه ومخاويه
ويسبه لاصار ما يسمعه
وانا لي مبدا دايم امشي عليه
لو تضيق الدنيا عند الله سعه
والانسان اخالقه اللي تمشيه
و المظاهر زينة دنيا ومخدعه
... لحظه ...
شخص واصل معاه ناس تباريه
دخل و وراه حمايه تتبعه
قالوا..فلان وصل قوم نحييه
الناس فزت حتى اللي جالس معه
رن تلفوني بالوقت اللي جه فيه
قلت عن اذنك ماقدر اتكلم بالمعمعه
جرحت قلبي الله لايداويك
تستاهل اكثر من اللي جالك
طعنتني وانا اللي احتمي فيك
ولا وفيت لقلبي اللي وفالك
مهما خذيت حقي مايكفيك
خليتني اندم على وصالك
وانا اللي اول احبك واداريك
وقلبي و وقتي كله حلالك
ومحد من الناس يساويك
انت اللي ابيه لحالك
حتى لو اجفي مايعني ناسيك
كنت ازعل وانت ولا فبالك
كل همك تدور اللي يسليك
ماخذه بخاطري وانطر دلالك
اثرك هاملني مع اللي ينسيك
حتى ماوصلني منك سؤالك
اشرهه على نفسي مو عليك
باين طبعك من احوالك
واظن ربي هو اللي بيجازيك
ويعطيك على قد اعمالك
وكل اللي سويته دين بيجيك
بكره تشوفه حتى بعيالك
وتذكر بعد سنين اللي مشتريك
وتقول خنتج واخطر فبالك
تقول ماتحبني وغيابي ما يأثر
وانا اشوف شوقك لي اكثر
يكفي لاني عن عيـنك بعيد
من حبي صرت تكتب قصيد
حـتى شـكلك غيـرت به
وسويـت كل شي احـبـه
تـقول وجودج مو اهتـمامي
وادري الحيـن تـقرا كـلامي
دام مـا اهـمـك يـا حبـي
لـيـش تـجـي لـدربـي!
وتـقرا اشـعاري وقـصيـدي
ويـهمـك تـعرف جديـدي ؟
كـثـر مـا كـنت انت تعنيني
اشـوفك الحيـن تموت فـيـني
وبـصراحه انـعـكست الايـه
انـا نسيتك وانـت بالك معـايه
